話說前排喺朋友屋企小聚，A突然宣布剛分手。
“因為我check咗佢電話。”
從佢嘅聲音我聽到解脫。女人們都互相鼓勵安慰咗成晚...然後，就係第二晚嘅凌晨，B急call。
“到我忍唔住check咗佢電話，我要離婚。”
我個心嚇到跌咗出嚟。女人們都立即去搵佢互相鼓勵安慰咗成晚...然後，琴日就到周揚青。
”應否check另一半手機”係一個大topic，而上星期開live都講過，其實check手機唔係重點，會劈腿嘅人就係會劈腿；唔會劈腿嘅人，就算你俾十部手機佢佢都唔會做。坦白講，其實愛情裏面所有嘅欺騙出軌早就有蛛絲馬跡，作為一個第六感精準嘅女人你係無可能感覺唔到。最難嘅課題係，當你開始發現呢啲欺騙痕跡嘅時候，你究竟會選擇性去忽略，唔願意去相信，定肯勇敢面對？
的確，我嘅朋友們同周揚青一樣，同時為愛情付出咗女人最寶貴嘅青春，感覺可惜又浪費。不過喺現實生活中，唔係每個欺騙我哋嘅人都有良知會良心發現，更多時候，我哋要為自己躊躇不前嘅決定付出代價。
心理學其中有一個概念：人只會看到自己想看到的。嗰一晚B自己都有講，其實佢一直都感覺到婚姻出現問題，不過每一次渣男老公都會用各種方法令我朋友相信佢係清白嘅同時，佢都坦白承認自己實在太想擁有一段圓滿嘅婚姻，所以一直都說服自己應該無事...當然結果就係完全相反。周揚青亦一樣，如果當時佢第一次發現羅出軌就決心離開，就唔需要用九年嘅時間去認證一個渣男。其實我哋只要勇敢多小小去面對，唔好被自己嘅ff同期望蒙蔽雙眼，失去揭穿謊言，鑑別好人嘅能力，就自然會有自我救贖踢走渣男嘅勇氣，迎接更好嘅愛情。
與此同時，唔好妄想利用愛情或者婚姻去箍實一個男人，因為一隻披着羊皮嘅狼永遠都係狼。所有想依靠男人或者一段婚姻來拯救自己嘅人，最後只會被愛情所傷。所以都係講返嗰句，做女人一定要經濟獨立有自己事業，銀包有錢手機夠電又懂打扮，先至係真正嘅安全感。就算傷心完，都可以瀟瀟灑灑從頭嚟過。
周揚青經歷過嘅我都有經歷過x3，唔同嘅係，我嘅決斷(或可以理解為絕望)令我喺佢想準備腿劈之前已經離開。既然你可以背住我約會另一個女人，劈腿都係遲早嘅事，一個大話無論你點樣去掩飾都係一個大話，等你哋劈到大字馬我先走就實在太遲....姐顏面何存？😂 我唔怕離開任何一段關係或者任何一個男人...
因為就算我一個人，
都可以好好活着。
#其實真係一早就應該要走
#反而更有興趣知道
#多人運動有幾多人😂
#女人像鹽
此含單人運動相🙃
https://www.instagram.com/missyboni/
Search